Pàggina principali

 

 

 

 

Àncilu Muscu

Àncilu Muscu nascìu a Catania ntô 1872. Era lu quattordicèsimu figghiu d'un putiaru e appi a travagghiari di quannu era nicareddu. Fici varî mistieri: lu scarparu, lu muraturi, lu varveri; ma nun ci piacìanu. Chiddu chi ci piacìa pi daveru era cantari canzuna pi li strati e finìu cantannu nta li tiatrini di li mariunetti.

Ntô 1899 trasìu nta la cumpagnia di Giuvanni Grassu senior e prestu accuminciò na rivalità ntra di iddi picchi lu Muscu era un bon'atturi ca piacìa a lu pùbblicu. Accussì Muscu canciau cumpagnìa e si nni jiu a la cumpagnìa di Marinella Bragaglia. Finalmenti ntô 1914 funnau la so cumpagnìa: "La Comica compagnia siciliana del Cav. Angelo Musco". Facìanu parti di la cumpagnìa puru li dui soru Anselmi; una di iddi, Rusina, addivintau la so cumpagna d'arti prifiruta. Doppu un'inizziu difficili, ni l'aprili dû 1915 rapprisintaru, nta lu tiatru "Filodrammatici" di Milanu, lu Paraninfu di Capuana. Fu un successu granni di pùbblicu e di crìtica. Ancilu Muscu accuminciò a divintari un còmicu canusciutu e li cchiù mpurtanti scrittura siciliani (Pirandellu, Capuana, Martogliu) scrissiru pi iddu testi di tiatru. Ntra li cummedî cchiù famusi, citamu: San Giovanni Decollato e L'aria del continente di Martogliu, e Pensaci, Giacomino!, Liolà e La giara di Pirandellu.

 

 

Di chi cumuni sî?!? Cerca lu tò cumuni (Sicilia, Calabbria, Salentu) ntâ Wikipedia Siciliana e migghiora lu cuntinutu di l'artìculu supra lu tò paisi o cità, mittennu tutti li nfurmazzioni chi canusci. Nun ti prioccupari si nun t'a fidi a scrìviri bonu 'n sicilianu: quarchi wikipidista si dìdica a fari li currizzioni grammaticali nicissarî, secunnu li normi cuntinuti nnâ Grammàtica e nnû Cumpenniu Stilìsticu.

 

 

19 di nuvèmmiru, mercuridìa

• Nàpuli: Di la pillìcula "gomorra", ca ntê canali ufficiali ancora hà nèsciri a lu 3 di dicèmmiru, ntâ Campania c'è ggià na virsioni "taruccata", vinnuta ntê giurnalara e ntê bancarelli. Macari ca vulìssiru livàrisi d'avanti ammazzànnulu a Robbertu Saviano, ca scrivìu lu libbru-nchiesta "Gomorra", quannu si parra di sordi, li camurristi non talìanu a nuddu ntâ facci e addimùstranu d'èssiri prufissiunisti sèrii e ca l'affari sunnu affari.

• Milanu: (ANSA) Pâ 10/ma annata dû "Prèmiu vìdiuclip talianu" (Premio videoclip Italiano), vincìu lu "Prèmiu spiciali pô mpegnu civili" lu vìdiuclip dê rap palermitani "Combostamastas" titulatu "U tagghiamu stu palluni ?".
  Stu prèmiu vinni datu pô missàggiu di lotta dâ sutta-cultura mafiusa. Lu tìtulu dâ canzuna di unni appoi vinni fattu lu vìdiuclip, aripigghia la minazza ca fannu l'abbitanti dê quarteri ê carusi ca jòcanu ô palluni e ca ci vòlunu livari la libbirtati e lu dirittu dû jocu; â stissa manera la mafia, chê minazzi, leva a ognidunu dirittu e libbirtati dô sò campari.

---

9 di nuvèmmiru, duminicadìa

• Roma: A sta matina, a Virmicinu, vicinu a Roma, di sdirrubbau na casa di dui piani. Mòrsiru dui cristiani, maritu e muggheri, attruvati dâ squatra dû succorsu ancora curcati ntô lettu. Parissi ca non ci sunnu àutri morti.

---

8 di nuvèmmiru, sabbatudìa

• Catania: La sedi dâ facultà di Farmacìa di l'universitati di Catania vinni siquistrata dâ maggistratura pô malu smartimentu di spirimenti midicinali. Lu GIP dispunìu lu pruvvidimentu iputizzannu li riati di disastru culposu e gistioni di discarica. Li ndaggini fìciru vidiri ca, pi curpa di spirimenti medicinali ittati ntê lavandini dê labburatori, dê vaschi di raccorta dî rifiuti lìquidi misi suttaterra, niscèvanu fora vapuri piriculusi pâ saluti. Foru ndagati 9 pirsuni e tra chissi l'ex ritturi Latteri.

---

6 di nuvèmmiru, jovidìa

• Italia: Lu nostru prisidenti dû cunsigghiu, Silviu Berlusconi, arifirènnusi ô novu 44èsimu prisidenti miricanu ora ora eliggiutu, Barack Obama, dissi d'iddu ca è "beddu, giùvini e abbrunzatu": ssa palora "abbrunzatu" fici scatinari na granni pulèmica ntâ l'upposizzioni.

(Talìa l'apprufunnimentu dâ nutizzia ccà)

---

4 di nuvèmmiru, martidìa

• Italia: Lu cuvernu minazza l'ex mpighiati di Alitalia di nigàricci la cassa ntigrazzioni siddu nun tràsunu ntâ nova cumpagnia chi s'accattau l'Alitalia.

---

2 di nuvèmmiru, duminicadìa

• Televisioni: Stasira lu primu canali dâ RAI trasmetti lu primu dî 4 film inedditi dû Commissariu Montalbanu, tratti dî rumanzi di Andrea Camilleri.

• Acquafurmusa (CS): (Ansa) - Na trintina di nanni di chiossai di uttant'anni si scriveru â scola elimintari pri nun fàrila chiùdiri pri mancanza di sculari. La pinzata è di l'amministraturi dû cumuni di Acquafurmusa, un paiseddu càlabbru-arbanisi di 1.200 abbitanti, 'n pruvincia di Cusenza. Secunnu lu dicretu Gelmini, cu picca sculari la scola hà èssiri chiuruta.

---

30 di uttùviru, jovidìa

• Italia: Doppu ca ajeri matina lu dicretu Gelmini addivintau liggi cu l'appruvazzioni difinitiva ô sinatu, a sta matina l'agginzìi di stampa signaliàvanu ca avìanu partuti curtèi di manifistanti cuntràrii a Vibbu Valenzia, L'Aquila, Bulogna, Ancona, Cagliari, Catania, Lecci, Palermu, Pavìa, Turinu, Brescia, Bari, Missina, Milanu, Gènuva, Pàduva, Cartanissetta, Sarausa, Cùneu, Algheru, Nùoru, Rausa, Sassari, Mòdena, Cusenza, Mòrica, Còmmisu, Trani, Bèrgamu, Crimona. A Napuli lu curteu partìu ê dui di pumiriggiu. A Roma li manifistanti foru cchiossai di nu miliuni.

---

28 di uttùviru, martidìa

• Missina: Nu tirrimotu di magnitudini 4 dâ scala Richter ntirissau la zona di mari tra l'ìsuli Eolî e la costa siciliana, senza fari danni a pirsuni o cosi.

---

26 di uttùviru, duminicadìa

• Napuli: Megghiu lu càrciri ca 'n famigghia - Un cristianu di 32 anni a l'arresti dumiciliari a Frattamaggiuri (NA), ci chiamau ô cummissariatu lucali p'addumannàricci di mintìrilu 'n carciri, pirchì â casa avìa cuntinuamenti custioni e sciarri. Quannu s'apprisintaru l'aggenti di polizzìa pi circari di mèttiri paci, ssu cristianu arrispunnìu jennasinni dâ casa e cummèttiri accuddì lu riatu d'evasioni, pi fàrisi arristari. Lu jùdici, pirò, ntô prucessu pi dirittìssima l'assurvìu e ci desi n'àutra vota l'arresti dumiciliari.
  

(Rifirenna: nutizzia Ansa)

---

25 di uttùviru, sabbatudìa

• Roma: Aoggi a Roma ci fu la manifistizzioni vuluta dû Pd contr'a lu cuvernu unni, secunnu l'urganizzaturi, participaru quarchi 2 miliuna di cristiani. Walter Veltroni, dû parcu dû Circu Màssimu, arrivurgènnusi a Berlusconi cci dissi ca «la dimucrazzìa nun e' nu cunsigghiu d'amministrazzioni». Berlusconi mannau a diri, di unni s'attrova nta stu mumentu ntâ Cina, ca iddu nun è priuccupatu. Tanti cummintaturi dìciunu: «Menu mali ca, armenu iddu, nun è priuccupatu...»

---

24 di uttùviru, venniridìa

• Catania: Nu jucaturi anònimu di na tabbacchirìa catanisa nzirtau la cumminazzioni dû superenalottu. Cu lu sò 6 vincìu circa 100 miliuna di euru.

---

23 di uttùviru, jovidìa

• Italia: Ancora prutesti, curtèi, scoli uccupati e lizzioni pâ strata contr'a la rifurma dâ ministra Gelmini. Ajieri lu primu ministru Silviu Berlusconi, nta na cunfirenza stampa, ci mannau a diri ê carusi dê scoli ca iddu nun avissi pirmittutu l'uccupazzioni di scoli e univirsitati e ca, ntô casu, avissi fattu ntirviniri la polizzìa, ma lu risurtatu a ssi palori fu ca nuddu s'hà scantatu e, aianzi, passi ca ci addumau cchiossai lu focu: uccupata la facultati di Scenza di l'Univirsitati Roma Tri; a Milanu, foru abbluccati pi n'ura li canceddi dâ Facultati di Scenzi Pulìtichi; studenti dî scoli supiriori 'n curteu a Turinu, Nàpuli e a Matera; a Palermu lizzioni di ncignirìa ntâ chiazza.
• Palermu: Nti nu cunvegnu supra lu restauru foru prisnitati li risurtati dû ristuaru dî mosaici dâ villa dû Casali di Piazza Armerina, chi foru cumpritati ô 80%. La villa avissi a ràpiri attorna ntô 2009.

---

22 di uttùviru, mercuridìa

• Africu: Lu boss, Duminicu Morabbitu, 33 anni, di l'omònima cosca dâ 'ndranghita, ricircatu, fu arristatu dî Carrabbinieri.

---

 

 

14 di nuvèmmiru, venniridìa

• Nova Delhi: L'India sbarcau, macari idda, supr'â luna - Di l' 8,20 di sira di venniridìa (uràriu di Nova Delhi), ntâ luna c’è n’àutra nova bannera aranciuni, janca e virdi, chidda dâ Ripùbbrica di l’Ìnnia.

(Pi n'apprufunnimentu munci ccà)

---

12 di nuvèmmiru, mercuridìa

• Eggittu: Scupruta na piràmidi a Saqqara, vicinu â cèlibbri piràmidi granni a scaluna. Risali a circa 4300 anni fa.

---

10 di nuvèmmiru, lunidìa

• Russia: Nu suttamarinu nucliari russu stazziunatu ntô Pacìficu, appi n'incidenti unni morsiru 20 pirsuni.

(Pi n'apprufunnimentu munci ccà)

• Haiti: Na scola si sdirrubàu cummigghiannu tutti li genti chi ci stavanu a ddu mumentu. Si cuntanu armenu 90 morti tra picciriddi a granni.

---

8 di nuvèmmiru, sabbatudìa

• Nova Zilanna: John Key veni vutatu lu novu primu ministru dâ Nova Zilanna.

---

6 di nuvèmmiru, jovidìa

• Bruxelles: La Banca Cintrali Europea tagghiau la tassu di scuntu di menzu puntu, purtannulu a 3,25%. La Banca di Nghilterra e la Banca Cintrali Svizzira puru tagghiaru lu tassu di scuntu, rispittivamenti purtannulu a 3% e a 2,75%.

---

5 di nuvèmmiru, mercuridìa

• San Franciscu: La pupulazzioni califurniana cu nu referendum dicisi di vietari lu matrimoniu omosessuali cu na maggiuranza di 52%.

---

4 di nuvèmmiru, martidìa

• Elizzioni miricani: Jurnata storica ntê Stati Uniti: Barack Obama addiventa lu primu afruamiricanu prisidenti dî Stati Uniti.

---

Primu di nuvèmmiru, sabbatudìa

• Nazziuni Uniti: Nu studiu novu dû clima munniali cunchiudi ca l'attivati umana sta causannu lu squagghiari dû ghiacciu di l'Antàrtidi.

---

31 di uttùviru, venniridìa

• Mosca: Lu capu di statu dâ Lìbbia, Muammar Gheddafi, è prontu p'accògghiri na basi militari navali dâ Russia ntâ Lìbbia. Ssa nutizzia veni data dû jurnali russu Kommersant ca l'appi dû staff urganizzaturi dâ visita ca Gheddafi quantu prima hà fari ntâ Russia. Secunnu a quantu dici la funti, la basi avissi a èssiri misa a Bengasi.

(Rifirenna:nutizzia "ANSA")

---

30 di uttùviru, jovidìa

• Ginevra: Nti l'Iraq ci sunnu chiossai di 420 càrciri ammucciati di cui nuddu nni sapi nenti. Lu dicìu aoggi lu parlamintari irachenu Mohammad Al-Daini ê jurnalista ntô mentri di nu cunvegnu priparatu di l'urganizzazzioni non cuvirnativa Alkarama. Lu parlamintari cuntàu macari ca nta ssi càrciri li cunnizzioni dî carzarati sunnu mprissiunanti e dicìu ancora ca ci sunnu pri cuntìnuu ammazzatini e viulenzi sissuali. Pri comu dici iddu, di quannu ci fu la mmasioni dâ Mèrica ntô 2003, hannu murutu 1,5 miliuna d'iracheni.

---

29 di uttùviru, mercuridìa

• USA: A na simana di l'elizzioni prisidinziali miricani Barack Obama è sempri 'n vantagghiu cu na pircintuali di prifirenzi di circa 52% nti l'ùrtimi sundaggi, contra lu 45% pi John McCain.

---

28 di uttùviru, martidìa

• USA: Ntô Utah s'attruvaru mùmmii di dinusàuri cu la peddi e li tissuti moddi ancora sani. Sta nutizzia veni ripurtata dû "New Scientist" ca macari dici ca li paleontòlughi, scinzati di lu Utah Museum of Natural History, attruvaru quarchi dùdici mùmmii nzemi a àutri fòssili ntê dipòsiti di rina d'intra lèttira di ciumi, unni c'èranu macari fogghi e lignu. Ntô stòmmacu dî dinusàuri c'era ancora zoccu avìa ristatu di l'ùrtima manciata.

---

27 di uttùviru, lunidìa

• Siria: N'attaccu miricanu fà na uttina di morti nti nu paiseddu ô cunfini cu l'Iraq. Lu cuvernu sirianu è scannaliatu di l'inizziativa militari miricana ntô sò tirritoriu.

---

25 di uttùviru, sabbatudìa

• Yemen: Armenu 41 pirsuni mureru annijati e 31 nun s'attròvanu cchiù pi l'acqua ca cuntinua a cascari supr'a lu Yemen; mòrsiru noltri macari n'àutri 6 pirsuni pî fùlmini. Nta tuttu ssu paisi, ca è unu dê cchiù pòviri dû munnu, si distruggeru, pê ciumi e turrenti ca si furmaru, chiossai di 1700 casi.

• Lussemburgu: La Cummissiuni UE stanziau 300.000 euru pi nu sistema di viggilanza fattu nti l'Europol supra matiriali di pornugrafìa dî picciriddi supra lu web. Lu sistema cunzenti a li nvisticaturi di cibercrìmini di scanciàrisi e cunnivìdiri nfurmazzioni cu cchiù facilitati.

---

22 di uttùviru, mercuridìa

• Nova Delhi: L'aginzia spazziali indiana mannau la sò prima sunna spazziali versu la luna pi lu studiu dû nostru satelliti naturali.

---

 

 

Wikipedia n Corsu · Friulanu · Latinu · Lummardu ·